Previous Previous:
From Troilus and Criseyde, Book V, lines 92-175:
Diomedes offers his friendship to Criseyde
Previous
Librarius Homepage
© Librarius
All rights reserved.




Geoffrey Chaucer (1342 - 1400):
Troilus and Criseyde
Book V, lines 176-196: Criseyde meets her father Calkas


Criseide unto that purpos lyte answerde,
As she that was with sorwe oppressed so
That, in effect, she nought his tales herde,
But here and there, now here a word or two.
180Hir thoughte hir sorwful herte brast a-two.
For whan she gan hir fader fer espye,
Wel neigh doun of hir hors she gan to sye.

But nathelees she thonked Diomede
Of al his travaile, and his goode chere,
185And that him liste his friendship hir to bede;
And she accepteth it in good manere,
And wolde do fayn that is him leef and dere;
And trusten him she wolde, and wel she mighte,
As seyde she, and from hir hors she alighte.

190Hir fader hath hir in his armes nome,
And tweynty tyme he kiste his doughter swete,
And seyde, `O dere doughter myn, welcome!'
She seyde eek, she was fayn with him to mete,
And stood forth mewet, milde, and mansuete.
195But here I leve hir with hir fader dwelle,
And forth I wol of Troilus yow telle.





Next Next:
From Troilus and Criseyde, Book V, lines 197-280:
Troilus mourns and sends for Pandarus
Next